Waxaan Anna Masuugay

Maansadaan gaaban waxey qeyb ka tahay Silsiladii Ina Macalin Ciise uu ibo-furayAbwaan Khaliif Faarax Xayir, waxey soo baxayday 24/3/2015 magacedu waaWaxaan Anna Masuugay  waxeyna u dhaceysaa sida tan:-

Marka hore salaan guud
Inta miimka curisiyo
Mu’alifiinta oo idil
Masifo iyo jiiftada
Gabayada maldahanoo
Micna yaal sameeyoo
Murti maal ku caan yahay
Hibo mowle weeyaan.

Marka xikta maalmahaan
Dood baan maqlaayiyo
Inan la mudacaayoo
Magaceedu uu yahay
Ina macalin ciisee.

Waxaan anna masuugay
Kuwa muranka kiciyiyo
Musharixiinta oo idil
Maqarsaarka beentaa
Muska inta la taagane.

Hal-abuurka maansada
Maag yahay maqaalkood
Gafna uu ka muuqdee
Duqa macalin ciisaa
Mar horuuba daawaday
Inta uu is madax maray
Maqar iyo masaar iyo
Mindi dheer ayuu watay.

Oday macalin ciisiyo
Khaliifo mudnaan helay
Waan arkayay maantoo
Ayagoo magaalada
Dhex mushaaxayaanee.

Ina macalin ciisana
waxbarashada madigiyo
Diintii macaaneed
Mar horeyba baratoo
Mister bey ka sidataa,

Sirna waaye magacuye
Maan sheegin anigana.

Ina macalin ciisana
Marfish iyo muqaayado
Meelaha marqaankiyo
Musik iyo kalaabada
Waligeedba may tagin
Saa macalin baa dhalay.

Oday macalin ciisana
Inantiisa magaca leh
Maalmo ka hor ayuu
Ku mehriyay khaliifee
Marqatiyadana kuligod
Magaaladey dhex jogaan.

Mahuraan ku waa guur
Mar hadeyba guri gashay
Marwo reer leh ay tahay
Maqaraarur daayee
Mid kaleeto raad sada
Hablaheena milicsada
Malyumaad ka badanoo
Midaan kaliya mahane.

Curiye:-Cabdinaasir Maxamed Cali

Xiriir:- nafdeeq@gmail.com